ايه هو الـ ICR ؟
مركز معلومات الموارد (IRC)
والذي يقع بداخل
مبني السفارة الأمريكية في القاهرة، هو مركز التوعية والتواصل الرئيسي
لسفارة الولايات المتحدة الأمريكية بالقاهرة والذي يقدم برامج ومعلومات
يومية للجمهور المصري.
يوفر المركز الوصول إلى أحدث المعلومات عن الولايات المتحدة الأمريكية.
وهو يشرك المصريين في مناقشات حول سياسة الولايات المتحدة الأمريكية
والمجتمع والقيم الأمريكية.يقدم المركز مجموعة متنوعة من البرامج والأنشطة بما في ذلك:
- نادي المحادثة الإنجليزية الأسبوعي
- عروض الأفلام والمناقشات
- برامج حول سياسة الولايات المتحدة الأمريكية والمجتمع والمواضيع الراهنة بها
- برامج الدراسة في الولايات المتحدة الأمريكية
- ندوات التطوير الوظيفي
- ورش عمل تقنية
- ومواضيع وبرامج أخري.
المصدر : https://eg.usembassy.gov/ar/education-culture-ar/irc-ar/
تجربة احد الشباب
دي ال IRC Membership
بتاعت ايه وبتتعمل فين وتكلفتها كام وبيتعمل بيها ايه؟!
اقدر اقولك ان ال Membership دي مفتاحك لتحسين حاجات كتير، بس الاول نعرف هي بتاعت ايه وتخص ايه وبيتعمل بيها ايه.
اولا تكلفتها هي 0.00ج، اه ببلاش مبتدفعش فلوس عشان تعملها
اما بتعمل بيها ايه وهي تخص ايه فا اقرا الكلام اللي تحت ده وركز فيه لانه مهم جدا جدا
في حاجة حلوة جدا عندنا ف القاهرة اسمها السفارة الامريكية او بمعني اصح مكان جوة السفارة الأمريكية اسمه ال IRC
ال IRC هي اختصار Information Resource Center
يعني مركز مصادر المعلومات ..... المكان ده موجود ف التحرير عبارة عن مكتبة السفارة الامريكية
طيب ازاي استفاد منه .... بص يا سيدي هتروح فيوم الصبح علي الساعة 9 هتسال عن طابور ال IRC وتروح تسجل اسمك ووتقف ف الطابور وتخش جوة وتسال علي ال Membership
هتعمل عضوية ف المكان #ببلاش منغير ولا مليم
ايوة بعد العضوية فين الاستفادة؟؟
اول حاجة هي انك تقدر تستعير كتب مقروءة ومسموعة لمدة اسبوعين
تاني حاجة تقدر تستعير افلام اجنبي نسخ Original
غير كده بقي في حاجة مهمة جدااااا
المكان بيعمل كل يوم اربع من الساعة 3 ل الساعة 4 حاجة اسمها Conversation Club ده عبارة عن مجموعة من الناس مصريين واجانب بيفتحو موضوع معين ويتكلمو فيه فا بتقعد تتكلم وتسمع اللغة من صاحب اللغة وبتتعلم كلمات جديدة وهناك هتكون صداقات وتعرف ناس تفيدك وكمان في Activities يومية هتفيدك فتحسين اللغة
وكمان هناك في ترفيه ببلاش تقدر تتفرج علي افلام علي شاشة كبيرة جدا وكمان اجهزة كمبيوتر بسرعة نت عالية جدا وكمان Xbox يعني مكان هترتاح فيه جدا منغير ولا مليم وفنفس الوقت هتكون صداقات مع ناس عندها ثقافات مختلفة هتعرف ناس تفكيرهم افضل منك فا بالتالي فكرك هيتحسن هتقابل ناس عندهم احلام وطموحات مش ناس محبطة وسلبية
بس لازم تخلي بالك من حاجة مهمة جدا وانت رايح
اللي هيروح ميكونش معاه غير محفظته وموبايله فقط ولا هاند فري ولا كابل شاحن اي حاجة فيها دايرة الكترونية حتى لو مسبحة اصبع متتاخدش لو هتاخد اي حاجة هتسيبها برة امانات بس مش تبع السفارة خالص والكلام ده بيمشي علي الامريكيين قبلك انت كمصري
اتمني نبدأ السنة الجديدة ب اننا نحسن نفسنا ونبدأ نحقق أحلامنا ونبطل كسل وسلبية
واللي عاوز يعرف تفاصيل اكتر او يسأل علي حاجة يبعتلي
تعليقات
إرسال تعليق