ايه هو ISIC ؟؟

ده باختصار كارت اسمه ( isic )

كارت هوية الطالب الدولي عضو في الإتحاد الدولي لسفر الطلبة، و هي مؤسسة غير ربحية تجمع الطلبة و الشباب على مستوى العالم، و يتم توزيع كروت ISIC تحت رعاية المركز المصري لخدمات سفر الطلبة.

كارت هوية الطالب الدولي

المنتج الرئيسي لمنظمة ( ISIC ) هو كارت هوية الطالب الدولي، و هو الدليل الوحيد المعترف به دولياً لإثبات وجود الطالب بدوام كامل، و قد تم التصديق علية من خلال منظمة اليونسكو، المجلس الثقافي الأوروبي، و مجموعة دول الإيندز، كما أن الكارت معترف به من خلال الجامعات و المعاهد و المنظمات الطلابية و الحكومات و وزارات التعليم في جميع أنحاء العالم.

---

من الذي يستخدم كارت هوية الطالب الدولي؟

يتم إستخدام كارت هوية الطالب الدولي من خلال أكثر من 4.5 مليون طالب و طالبة في 120 دولة على مستوى العالم حيث أنه يعطي الطلاب إمكانية الحصول على عشرات الألاف من الخدمات الطلابية و غيرها على مستوى العالم
تطرح منظمة الـ ( ISIC ) كروت بديلة و هما كارت الشباب الدولي، و كارت هوية الأستاذ الدولي.

---

توزيع كارت هوية الطالب الدولي

يتم توزيع كروت هوية طالب الدولي في 120 دولة خلال شبكة من المكاتب المرخصة، التي غالباً ما تقود منظمات سفر الطلبة و الإتحادات الطلابية
هذه المكاتب المرخصة تمتلك الحق الحصري لبيع و توزيع و تسويق الكارت، إضافة إلى مجموعة من الفوائد، كما تصدر الكروت بإشراف تلك المنظمات المخصصة من خلال الجامعات أو البنوك.
في البلدان التي لا تمتلك مكاتب مرخصة، يتم توزيع كارت الطالب الدولي من خلال مكاتب توزيع تتولى إدارتها منظمة IAS في هولندا

---

تصميم كارت هوية الطالب و العلامة التجارية

في أوائل عام 2008 تم إعادة تصميم كارت هوية الطالب الدولي لجعلة أكثر سهولة في عملية دمج شعارات العلامات التجارية للشركات و المنظمات التي تشاركنا و الحفاظ على الشكل المألوف للكارت
تم تصميم شعار جديد يجعلة أسهل للإستخدام خلال شبكة الإنترنت

المصدر :: http://www.isicegypt.net

تجربة احد الشباب

سمعت عنه من حوالي اسبوع وحقيقة قلت ادور واشوف حكايته ايه وبصراحه صدمت أما عرفت حكايته وإنه موجود من زمااااان جدا
_______
ده باختصار كارت اى طالب في أى مرحله دراسيه ممكن يعمله ( طالب في مدرسه - طالب في جامعه - طالب دراسات عليا )
مالوش سن أقصى ... المهم تكون اكبر من ١٢ سنه
___
الكارت ده لو حضرتك سافرت أي دوله في العالم بتخش على الموقع بتاعهم أو الأبلكيشن بتاعهم وتحط بس اسم البلد اللي انت رايحها وهو بقى بيطلعلك كل الخصومات اللي تقدر تحصل عليها بالكارت ده على كل المتاحف بقى او المواصلات او مطاعم او مزارات أو غيره
وبتكون بالمناسبه خصومات محترمه جدا
___
تعمله ازاي وفين ؟؟
أولا : تاخد معاك الأتي :
١- الباسبور بتاعك
٢- شهادة قيد من الكلية أو المدرسه أو كارنيه الكلية أو اى حاجه تثبت انك بتدرس
٣- ١٠٠ جنيه

ثانيا : تروح فين
تطلع علي المكتب بتاعهم واللي موجود في ٢٣ شارع المنيل
تركب مترو وتنزل محطة الملك الصالح وتطلع من اتجاه المنيل وتسأل على شارع المنيل وبالظبط ٥ دقايق مشى هتكون هناك
هو مكتب في الدور الأول هتلاقي عليه يافطه بعنوان ( المركز المصرى لخدمات سفر الطلبة ) في عماره قدام بنك وهناك تلاقي شاب محترم جدا اسمه أحمد هيتعاون معاك على طول وهيسلمك الكارنيه في خمس دقايق بالظبط :)
_______
تقدر قبل ما تروح تستفسر منهم على الرقم ده 0225310330
بالمناسبة انا فقط لا غير لقيت حاجه حلوه ممكن ناس كتير ما تعرفهاش فقلت انقلها لغيري فقط لا غير ... ممكن ناس تشوفها حلوه وناس تشوفها وحشه ... انت ليك حق المعرفه وبعدين تعمل بقى اللي انت عايزه